La Kongreso
| Kie: |
Stratton Student Center Massachusetts Institute of Technology (MIT) 84 Massachusetts Avenue Cambridge, MA 02139 |
| Kiam: |
De la vespero de ĵaŭdo la 3a de julio, ĝis meztago dimanĉe la 6a de julio, 2003 |
| Kio: |
Esperanto-parolantoj el la tuta usono renkontiĝos
kun amikoj el Kanado kaj la mondo, por semajnfino de prezentaĵoj, diskutoj, muziko, amikeco, amuzo, kaj plu. Vidu la paĝojn Programo kaj Invititaj Gastoj por pli da informo. |
| Loĝado: |
Ĉe la hotelo University Park aŭ studenta ĉambro
ĉe MIT. Vidu la paĝon Loĝado por pli da informo. |
La Societo por Esperanto ĉe MIT kaj la Esperanto-Societo de Nov-Anglujo fieras alporti la 51an Jarkongreson de ELNA al la tereno de la Masaĉuseca Instituto de Teknologio, situante en la urbo Kembriĝo (Cambridge) tuj trans la Rivero Charles de la urbocentro de Bostono, en la ŝtato Masaĉuseco (Massachusetts).
La kongreso okazos en la kerno de la urba tereno de MIT en la Studenta Centro Stratton. La Centro Stratton ofertas aron da kunvenĉambroj en unu oportuna loko kaj enhavas kelkajn manĝejojn, nutrovarejon kaj krakbutikon, fotokopiejon, poŝtoficejon, kaj aliajn servojn. Ĉe la unua etaĝo estas krespejo Arrow Street Crêpes kiu servas la faman glaciaĵon kaj kafon de Toscanini's. Klaku ĉi tie por mapo de la tereno de MIT kun la Centro Stratton indikita per ruĝo.
Veturigo al MIT
Krom la informo kiun ni donas ĉi tie, vi eble volos legi la TTT-paĝon de MIT pri atingi MIT-n.
Ĉeestantoj alvenantaj al Internacia Flughaveno Logan de Bostono povas alveni al MIT aŭ la Hotelo University Park per taksio aŭ metroo. Bedaŭrinde, la hotelo ne ofertas pendolbuson. Veturado per taksio el la flughaveno al Kembriĝo kostas $20-$25. La metroo kostas $1 por unu veturo inter la plejparto de la stacioj. Por informo pri publika veturigo en Bostono, vizitu la TTT-ejon de la Masaĉuseca Golfeta Veturiga Aŭtoritato (MBTA). Ankaŭ lueblaj veturiloj de diversaj kompanioj akireblas ĉe la flughaveno.
La metroo en Bostono havas kvar linioj, indikitaj per la kvar koloroj Ruĝo, Bluo, Verdo, kaj Oranĝo. La tereno de MIT situas inter la du metrostacioj Kendall kaj Central laŭ la Ruĝa Linio de la metroo. La Hotelo University Park estas proksima al la stacio Central. Flughaveno Logan situas laŭ la Blua Linio. Por atingi MIT-n, oni devas veturi laŭ la Blua Linio ĝis la stacio Government Center, transiri al la Verda Linio kaj veturi ĝis la tuj sekva stacio Park Street, kaj el tie veturi per la Ruĝa Linio ĝis la stacio Kendall aŭ Central.
MIT estas iom facile atingebla ankaŭ per aŭto. La tereno situas apud Avenuo Massachusetts, ĉefa strato kiu etendiĝas tra Kembriĝo, super pejzaĝa Ponto Harvard, kaj de tie tra Bostono.
Aŭto-lasado ĉe MIT
Aŭto-lasado ("parkado") en lasejoj de MIT kutime postulas
permesilon. Tamen, je semajnfinoj, oficialaj feriotagoj (kiuj inkluzivas
la 4an de julio), kaj post laborhoroj (inter 5:30 ptm kaj 7:30 atm),
MIT-rilataj homoj rajtas lasi aŭtojn ĉe
N10,
East Garage,
Kresge Lot,
West Garage Annex Lot,
Sloan Lot kaj
E51 Lot
sen permesilo.
Lasado dum aliaj horoj estas pli malfacile. Estas kelkaj senpagaj
stratflankaj aŭto-lokoj je
Strato Vassar.
Estas ankaŭ
kelkaj lasejoj proksimaj kiuj pagigas: la stratangulo de Avenuo
Massachusetts kaj Strato Vassar ($9),
la subtegmenta lasejo de University Park je la angulo de Stratoj
Green kaj Landsdowne ($11), kaj la subtegmenta lasejo Cambridge Center
je la angulo de Stratoj Broadway kaj Ames ($13). (Prezoj estas por
8-hora restado.)
Kontakti la Organiza Komitato
Se vi havas demandojn aŭ komentojn, sentu vin libera
kontakti nin ĉe elna_congress_2003_questions@yahoogroups.com.
Diskonigi pri la Kongreso
Ĉu vi volas anonci pri la kongreso al aliaj
Esperanto-parolantoj aŭ studantoj en via regiono?
Sentu vin libera presi kaj disdoni la jenajn faldfoliojn.