Ĉu mankas via lingvo? Taduku!

Fondiĝo

Alexander William Thomson

Dum la unua mondmilito la angla eks-patrolestro Alexander William Thomson estis flegisto kaj brankardisto en la francaj bataltranĉoj. Tie dum la batoloj li pripensis, ke oni prosperigu la internacian amikecon per ĝemeligi la du de li amataj movadoj: la skoltismo kaj la Esperantismo.

Tiucele li verkis libreton en sia kavaĉo tuj ekster vilaĝo Ransart apud Arras. Ĝi aperis en oktobro 1918, sub la titolo “Proponoj pri Skolta Esperantista Ligo” verkita de “Avato”. Tiu verdkovrila broŝuro enhavis deksep “proponojn”, el kiuj la kvina prezentis la celojn, nome

1. Disvastigi la skoltajn idealojn per Esperanto.
2. Disvastigi Esperanton inter ĉiulandaj skoltoj.
3. Krei skoltan literaturon en Esperanto.
4. Eldoni internacian skoltan gazeton aŭ revuon.
5. Solidarigi la senton de frateco, komunan ĉe la du movadoj, inter diversnaciaj junuloj.

Norman Booth (maldekstre) kun siaj skoltoj, 1923 en Ruysbroek, Belgio.

Sekvis proponata skolta terminaro, kaj la fina paĝo konsistis el “Aliĝa Promesilo”, kiun oni sendu post kompletigo al la Provizora Sekretario, patrolestro Kenneth Graham Thomson, frato de “Avoto”. El Egiptio envenis tuja aliĝo de subtrupestro John W. Leslie, angla soldato, kaj post mallonga tempo enskribis sin trupestro Norman Booth kaj patrolestro Douglas H. Davis, kiuj estiĝis siatempe Sekretario kaj Kasisto.

antaŭa paĝo

venonta paĝo